Interrogu a sceda scrita apitzus de is froreras postas a s’intrada de gutureddu II Sulis

Postu ainnantis chi:

–     Cun s’ordinàntzia n. 319/VIAB, de s’11 de su mesi de abrili 2012, funt intradas in funtzioni is dispostas noas chi pertocant su funtzionamentu de sa ZTL e de s’Àrea Pedonali de Biddanoa;

–     Is bias de su bixinau sutapostas diaderus a pedonalizatzioni arresultint essi bia Piccioni, bia San Giacomo, bia e gutureddu Sulis, pratza San Giacomo, bia San Giovanni e me is gutureddus I, II, III, IV, V e VI San Giovanni est in vigori sa proibidura de trànsitu e de firmada (cun bogadura) a totu dii;

Averiguau chi:

–      A s’intrada de gutureddu II Sulis ddoi funt unas cantu froreras chi ndi arrescinti fitianamenti su trànsitu a is màchinas, mascamenti a is ambulantas, comenti chi su tretu biàrgiu in chistioni fessit pedonalizau;

–     Chi de is àutus aministrativus chi si podint consultai no arresultat perunu provedimentu chi fundit sa pedonalidadi de gutureddu II Sulis;

–       Est stètia giai integada, de mei etotu e de Giovanni Dore, un’interrogu apitzus de su bixinau de Biddanoa, chi est stètia torrada sceda partzialmenti.

Pigau in cunsideru chi:

–     una de is arrexonis fitianas de sa scuntentesa po sa pedonalizatzioni est stètia arrelatada a su pagu fichimentu de is abitantis e a sa pagu cantidadi de publicidadi me is scioberus de s’aministratzioni;

Po sa tenta de:

–       Fai connosci chi esistat o no esistat unu tretu aministrativu chi apat pedonalizau su gutureddu II Sulis;

–     Pigai is provedimentus pretzisus po sa tenta de ndi bogai is froreras in chistioni sèmpiri chi no esistant àutus ad hoc chi ddas dispongant po tentas pedonalis pùblicas;

Premìtiu totu custu, si preguntat s’Assessori a sa Biabilidadi e a su Tràficu

– po sciri chi esistant àutus aministrativus de pedonalizatzioni de gutureddu II Sulis o chi giustìfichint sa disposta de is froreras a s’intrada sua e calis custas siant.

– po sciri comenti iat a bolli a procedi chi no esistat un’àutu aministrativu;

– po sciri chi e candu si bollat a arrespundi a is partis de s’interrogu de su mesi de abrili 2013 abarradas no fatas.

Casteddu, su 23 de su mesi de ladàmini 2013.

Enrico Lobina

Interrogazione vico II Sulis