Martedì abbiamo discusso in consiglio comunale un Ordine del Giorno su s. Elia e AREA (Agenzia Regionale Edilizia Abitativa), a seguito dell’approvazione della deliberazione che permette di far partire i lavori di riqualificazione delle case popolari di AREA e delle aree limitrofe. Ecco l’OdG: ODG_S_ELIA_

Vi propongo il mio intervento

ORDINE DEL GIORNO
In custu consillu, a s’acabu de su mesi ‘e argiolas, eus passau una motzioni apitzus de s’impitu de sa lìngua sarda in dònnia atza de s’aministratzioni pùbrica. In cudda ocasioni, su consilleri Gennaro Fuoco, chi no fiat contràriu, ma s’est (astènniu) at cumbidau is consilleris a fueddai in sardu. Su consilleri tenit arrexoni. Po parti mia, apu a circai de fueddai a su mancu una borta a sa cida in sardu.
Su sardu agiudat a cumprendi Casteddu e sa Sardinnia, e tengu dudas chi chini no fueddat su sardu potzat cumprendi diaderus, a fundu, sa Sardìnnia
Seus fueddendi de unu “Ordini de sa di” chi benit pustis de s’aprovatzioni” de unu mollu de acòrdiu po su programa po andai innantis cun is “atzionis de amelloramentu de sistema e sotziali de su bixinau de S. Elia in Casteddu e de is fàbricaus de propriedadi de AREA (Agentzia Arregionali po is fabricaus bividoris) – passu 1 – aìnturu de s’Arrexoni autònoma de Sardinnia, su Comunu de Casteddu e s’Agentzia Arregionali poi is fabricaus bividoris.

Custu “OdD” est unu de is autus de una chistioni che pertocat sa vida de 10.000 personis in deretura, e chi pertocat sa vida de totu sa tzidadi in generali.

A comenti est su contu? Su contu est chi teneus custu dinai, chi no est meda, chi no nosi permitit da fai totu su chi eus a bolli fai.
Duus mesis a oi eus fatu innoi un’arraxonu apitzus de is chistionis de is fàbricus e de is bividoris.
S’assessori arrexonali Maninchedda at nau una cosa crara, chi custu OdD narat a scussiu: teneus abisòngiu de una lei arregionali spetziali poi is fabricaus de Casteddu.
Una lei spetziali bolit nai fai lompi totu su dinai chi seus pedenti cun custu OdD
S’àtera cosa chi at nau, chi custa puru est posta a scussiu innoi, est: depeus pensai a cuncordai de manera diferenti su sistema. No podit essi chi nci funt duus corpus pùbricus, su Comunu e s’Arregioni, chi faint is pròprius cosas: depeus pensai a una arreforma
Bollu nai calencunu fueddu apitzus de is àteras chistionis puru. Cun atzionis, naraus, partitzipadoras, no eus a arresolvi is problemas de desempreu e de poburesa de su bixinau de s. Elia, e nimancu is problemas de is giovunus. In s’interis, perou, is atzionis partitzipadoras agiudant, agiudant a ammellorai sa comunidadi.
S’idea de agiudai su populu de S. Elia a ndi pesai unu “Comitau de bixinau” po castiai a comenti si faint is traballus est un’idea bona meda. Dd’eus posta in su OdD. Sa pregonta est: “chini ddu fait e comenti?”

Depeus sciri, perou, chi podeus fai atzionis de sistema, e chi no andat beni ca, a oi, no eus fatu mancu una domu noa “popolare”. Custa est una chistioni chi eus a biri in sa comissioni spetziali po sa domu.