marco corda cabuderra enrico lobina

Cabuderra, 1979 – de Marco Corda

Su catodixi de cabudanni de su millinoicentus e dexianoi unu DC9 de sa cumpangia ATI chi fiat andendi de S’Alighera a Casteddu ndi fiat arrutu apitzus dei is montis de Cabuderra, atesu a cussus trinta chilometrus de Casteddu e totu.
In sa disgràtzia fiant mortus trintunu personis contendi bintiseti passegerus e cuatru traballadoris de s’ATI.
A pustis de ndi bogai is corpus de is mortus, nd’iant pigau totu is arrogus de importàntzia de s’aeroplanu, ma imoi, a prus de corant’annus de s’incidenti s’agàtant ancora meda arrogus in mesu a is matas e in s’erba, in su pròpriu pretzisu logu aundi ndi fiant arrutus.
A dolu mannu sa genti chi est andada a biri po curiosidadi sceti, at profanau su logu e is arrestus de s’aparèchiu cun scritas sentz’e arrispetu po sa genti morta.
In cussu logu is autoridadis nd’ant pesau una perda cun totus is nòminis e una gruxi po s’arregordu de is chi ant perdiu sa vida ingunis.


Castia innoi is artìculus de Marco Corda http://www.enricolobina.org/situ/?s=marco+corda&post_type=post

Site Footer